Ano ba ang mga pangunahing mga karapatan ng isang Pilipino?

Anak ng Dakilang Maykapal ang lahat ng tao. Pinagkalooban nya tayo ng mga angking karapatan. Kinikilala ng ating sambayanan ang mga karapatang ito at nakasulat ito sa ating Konstitusyon.

-          Karapatan ng bawat isa na magkaroon ng kompleto at masaganang pamilya. Sila ang kasama mo at tutulong sa inyong paglaki. Ang pamilya ang isa sa pinakamahalagang parte ng isang masaganang bansa.

-          Karapatan ng bawat isa magkaroon ng maayos na tahanan. Karapatan mong mabigyan ng masusustansyang pagkain at malilinis na damit. Ang mga pang araw-araw na pangangailangan ng mga anak ay kailangang maibigay ng mga magulang dahil ito ay makatutulong sa paglaki ng kanilang mga anak.

-          Karapatan ng bawat isa na makapag-aral. Ang iyong pinag-aralan ang magdadala sa magandang kinabukasan na magkaroon ng isang marangal na trabaho.

-          Karapatan ng bawat isa na magkaroon ng ligtas at tahimik na pamayanan, ng malinis na kapaligiran, malinis na likas na yaman at iba pa.